Ninkii Dilay Garsoorihii Maxkamda Boosaaso oo Lagu Qisaasay Magaalada Boosaaso

Boosaaso(MMedia) Waxaa Maanta duleedka magalada boosaso dil qisaas ah lagu riday Jaamac C/llahi Cabdule oo ahaa ninkii Todobaadkii hore toogtay Garsoore ka tirsan maxkada darajada koowaad ee gobolka bari.

Qisaastan ayaa waxaa u joogay Laamaha amniga iyo Garsoorka waxaana sidoo kale halkaasi ku sugnaa Shacab farabadan oo daawanayay sida ay u dhaceyso toogashada.

Marxuumka maanta la toogtay ayaa horey waxaa uu Banaanka Maxkamada gobolka bari uu ku dilay garsoore C/naasir Xaaji Aadan oo ka mid ah garsoorayaasha maxkadama Gobolka bari.

dhinaca kale xeer ilaaliyaha guud ee Puntland Maxmuud Xasan ayaa sheegay in qisaasta maanta si wanaagsan u dhacday arintaasi oo ku tilmaamay in la mariyay jidkii sharaceeda u baneysay.

Dilkan qisaasta ah ee maanta lagu fuliya Marxuum Jaamac ayaa ku soo beegmaya xili xabsiga magalada boosaso iyo kuwa kale Puntland ay ku jiraan dad ku dilal.

Maakhir Media Boosaaso