Faah faahin Dagaalki Galabta Deegaanka Baar Gaal ka dhacay oo u dhexeyay cidamada Puntland iyo Koox Taageersan Maamulkii Raascasayr

BaarGaal(-MMedia)- degmada baar-gaal gobolka bari ayaa sheegaya in xaalada dagan tahay ka dib markii galabta dagaal ku dhex-maray duleedka baargaal ciidamo ka tirsan Dawlada Puntland oo galbinayay wasiiro ka socda Puntland oo halkaasi u tagay sidii ay u soo ogaan lahaayen xaalada guud ee deeganada bari.

Wafdiga ayaa waxaa hogaaminayay wasiirka Amniga Puntland Khaliif Ciise Mudan,waxaana qayb ka ahaa

Wasiirka Arimaha Gudaha C/llahi Axme jamac
Wasiirka Maaliyada Puntland Faarax Cali Shirre
Wasiir-ku xigeenka Amniga C/jamaal Cusmaan
Wasiir-ku xigeenka Arimaha Gudaha Cali Xoosh
Taliye Xigeenka Booliska Puntland Maxmed Sicid

Wararka ayaa tibaaxaya in weerar looga hor yimid duleedka degmada baargaal ee gobolka bari,weerarkan ayaa waxaa soo qaaday sida warar ku dhow wafdiga ay sheegayaan rag taageerasan Maamul lagu magacaabo Raas’caseyr Land oo dhawaanahan halkaasi sheeganayay.

Cidamada ilaalada Wasiirada iyo Kuwa daraawiishta Puntland ayaa ku guuleystay in ay ka gudbaan weerarkaasi,waxaana halkaasi ay gacanta ku dhigeen 12-maxbuus oo ah Ragii weerarka soo qaaday,sidoo kale waxaa wararka shegayan in laba Gaadiid ah oo ay wateen iyo Hub la qabtay.

Xaalada deegaanka Baar-gaal ayaa haatan dagan waxaa halkaasi ku sugan ciidamda Puntland iyo wasiiradii,iyadoona ay soconayaan shirar kala duwan oo ay leeyihiin wasiirada iyo dadka deegaanka.

Maakhir Media Baargaal.