Shirkii Looga hadlayay Abaaraha Somaliya ee ka dhacay Istabul iyo kulan ay wada yeesheen Shariif iyoMadaxwayanah Turkiga

Istanbul-(MMedia)-57-dowladood  oo Somaaliya ay qeyb ka tahay  ayaa maanta Shir looga hadlayo abaaraha ka jira wadanka Soomaaliya waxa uu uga furmay magaalada Istanbul ee caasimada dalka Turkiga kaasi oo uu furay Xoghayaha Ururka Islaamka Ikmaaludiin Ixsaan Ogle.

Xoghayaha oo ka hadlay kulanka ayaa waxa uu ugu baaqay wadamada Islaamka ee kulanka ka qeyb galaya inay gar gaar u fidiyaan dadka Soomaaliyeed oo ay abaaruhu ku saameeyeen Koofurta iyo bartamaha Soomaaliya.

Madaxweynaha dowladda KMG Soomaaliya iyo wafdi uu hogaaminayo oo goob joog ka ah kulanka ayaa waxaa la sheegay inuu kulan la qaatay Madaxweynha Turkiga Cabdlla Gul kaasi oo ay ka wada hadleen wax ka qabashada abaaraha Soomaaliya,  waxaana Cabdalla  uu sheegay in doowladiisa ay siineyso 150-Milyan oo dollarka Mareykanka Soomaaliya.

Dhinaca kale dowladda  Kazakhstan oo ka qeyb galeysa shirka Ururka Islaamka ee ka furmay maanta magaalda Istanbul ee dalka Turkiga ayaa waxa ay ugu deeqday dadka Soomaaliyeed ee abaartu saameysay lacag gaareysa 500-kun oo dollarka Mareykanka ah si wax loogu qabto dadka Soomaaliyeed.

Afhayeenka wasiirka Wasaaradda arimaha dibadda ee dowladda Kazakhstan Ilyas Omar ayaa waxa uu sheegay inay dowladiisa  ka go’an tahay taageerida dadka Soomaaliyeed ee abaaruhu saameynta ku yeesheen,  waxaana uu sheegay in ay muhiim tahay in la garab istaago dadka Soomaaliyeed.

Shirkan oo looga hadlayay  Abaaraha ka jira Somaaliya ayaa waxaa kasoo ay galay  dawlada badan oo islaamka ah iyadoo la sugayo in ay dawaldo uu ka mid yahay sucuudiga uu balan qaado lacag uu ugu deeqo Somaaliya iyadoo ay aad uga wada walaasan yihiin sida ay  Dadka masaakinta ah ee somaalida y yihiin.

Maakhir Media Istanbul.