Gudoomiyihii Ururka Haweenka NOW ee Laascaanood oo Koox Dabley ahi Caawa Toogteen.

Burco(MMedia) Guddoomiyihii  ururka  haweenka  Somaliland ee NOW, Marwo  Nadiifo Maxamed Colujoog  

,ayaa caawa fiidkii  kooxo dabley ah oo aan  haybtooda la aqoosan ay toogasho  ku dhaawaceen,ka dib markii  ay ku fureen taaxshiirado rasaasa.

Sida warar ku sheegayaan  Gudoomiyahan haweenka  ayaa rasaastu kaga dhacday  dhinaca  madaxa,islamarkaana  dhaawac  culus ka soo gaadhay,waxaana   Marwo Nadiifo  loola soo  cararay  dhinaca cisbitaalka guud ee magaalada Burco  si loogu  badbaadiyo  dhaawaceeda.
 
Ma jirto cid ilaa  hada loo qabtay  falkan, balse Ciidamada booliska ayaa gaafwareegaya  jidadka  magaalada Laascaanood,  kuwaasoo  baadigoobaya  cidii gaysatay falkan  ama looga shakisan yahay  inay  lug ku leeyihiin.

Marwo Nadiifo  ayaa ka mid ahayd  haweenka  ka qaybgalay  shirkii  nabadeynta  ee ka dhacay magaalada Widhwidh   todobaadkii hore  ,iyadoo  ay weheliyaan  kooxo haweena  oo ku libisan  calanka Somaliland.

Ma aha markii u horeysay  ee fal noocan oo kale ahi uu ka dhaca  magaaladaasi

Maakhir Media Xafiiska Burco